ടാബ്ലോ

ടാബ്ലോ




വീട് -
മൌനത്തിന്‍ പടര്‍പ്
കാലം -
പൊടിഞ്ഞു
പോകുന്ന പുസ്തകം.
കളിപ്പാട്ടങ്ങള്‍ -
കാഴ്ച്ചയലമാരയുടെ
നിശ്ചല ദൃശ്യം.
ഇരുട്ട്-
ഓര്‍മയുടെ ഗന്ധം.
കാറ്റ്-
അവന്‍റെ കാലൊച്ച
തേടുന്നു,
വീഴും നിഴലുകള്‍
ഒരു നിലാക്കൈ.

അനന്തരം

കുഴിച്ചിടപ്പെട്ട കണ്ണില്‍നിന്നും
ഒരു കൂണ്
ആകാശത്തിന്‍റെ വെളിച്ചത്തിലേക്ക്.

ചൂഴ്ന്നെടുക്കപ്പെട്ട കണ്ണില്‍നിന്ന്
വെളുത്ത കൊറ്റികള്‍
നഷ്ടപ്പെട്ട ഹരിത ഭൂമികളിലേക്ക്.


നിന്‍റെ ചോര കൊണ്ട്
നനഞ്ഞ മണ്ണില്‍ നിന്ന്
കറുത്ത പെണ്ണിന് ചൂടാന്‍
ഒരു കുടന്ന ലില്ലി.

ചുവന്ന സ്വപ്നങ്ങളെ
കാലം
വെള്ള പുതപ്പിക്കുന്നു .